10 Best Bhoot Wali Films Updated List – WARNING (Don’t Be Scared!)

Baat jab bhoot wali film ki hoti hai to humare Bollywood ko kaafi kuch khari khoti sunne ko milti hai. Aksar humari Horror movies comedy me badal jaati hai aur log darne ki jagah jor jor se hanse lag jaate hai.

Lekin aaj me aapko esi 10 best Bhoot Wali Movies ke baare me bataunga jisko dekhke aapke hos udd jayege. Aur raat ko aapko akele sone me bhi darr lagne lagega.

Vaise humne warning to de di hai title me lekin aap ko fir se bata den ki aap ko yeh movie dekh ke dar lagne lagega to please request hai ki kamzor dil wale yeh movies naa hi dekhe to behtar hoga.

Yeh movie ek Stree naam ki ek chudail ke base par hai jisme use mard/men se kuch jyada nafrat thi. Lekin kamaal ki baat yah hai ki ye film ek real life event pe based hai.


Number #10 Bhoot Wali Film is Stree

Stree movie 2018 me release hui thi vo humare best bhoot wali film list me number #10 per hai. Yah horror film me sabse jyada earning karne wali movie bani hai 2018. Film me comedy aur darr ka behtareen combination dekhne ko mila tha.

Theatre me dekhne wale ek time pe darr wale scene dekhne se darr mehsus kar rahe the vahi dusri taraf comedy scene aane pe log pet pakad ke hanse lage the. Personally yah film muje jyada pasand hai usme kuch jyada daravne scence nahi the lekin jo bhi the achhe scene the jisme dar lagta hai baaki to comedy hi hai.

Isi vajah se yah film 10th pe hai meri best bhoot wali film ke list me.

Stree Movie Trailer


Number #9 Bhoot Wali Film is Pizza

Pizza movie 2014 me release hui thi, jiski storyline kuch khas nahi hai. Lekin jis tarik se film me bhooton wala concept dikhaya gaya hai vo aapke hos uda sakta hai.

Movie ki kahani kuch pizza delivery boy ke upar hai jo kisi anjan jagah pe bhooton ke beech fans jata hai. Gilm me kaafi gandi aur daravni shakal ke bhoot dekhne ko mile the.

Yah film me jo khatarnak daraavna/scary background music daala gaya tha jisse aap ko bohot darr lag sakta hai aur aapko andar se hila sakta hai. Agar aap horror movie ke fan hai to aapko yah bhoot wali movie itni hi tasty lagengi jitna testy pizza hota hai.

Pizza Movie Trailer


Number #8 Scary Movie is Tumbbad

Tumbbad movie year 2018 me release hui thi aur vo meri one of the best horror movies me se ek hai. Aur shayad iss level ki movie mene aaj tak apni life me nahi dekhi hui hai.

Yah countdown horror movies ki hai so is movie ko me number 8 pe daal raha hu kyuki yah ek bhoot wali film ke saath saath ek mythological aur thriller movie hai.

Tumbbad movie hindu devi devtaon se le kar inshan ki lalach tak sab kuch dikhaya gaya hai. Movie me jis tarah se characters the aur unn ke dialogues ese likhe gaye the ki vo aapke man me darr chor deta hai.

Tumbbad Trailer


Number #7 Scary Film is Pari

Pari movie 2018 me release hui thi, jisme inshan aur bhoot ke beech me ek love relationship ko dikhaya gaya tha. Yah movi ko kaafi kam log theek se samaj paaye the baaki saare log usee boring bol ke nikal gaye the.

Lekin jinhone yah movie patience aur dimag se dekha tha unn logon ko kuch eas dikha tha ki vah bhula paana bohot mushkil tha.

Pari movie me Bangladesh ki ek real life kahani dekhayi gayi thi. Yah movie me Anushka Sharma ka scary look ho ya film me daale gaye kuch horror scenes ho yah ek esi movie hai jo aapke dimag ke saath khelna jaanti hai.

Pari Movie Trailer


Number #6 Bhoot Wali Film Darna Mana Hai

Darna Mana Hai released on 2003. Yah movie unn movies me se ek hai jinko taarif to milni chahiye thi lekin bade naamon ki na hone ki vajah se ye bohot logon tak nahi pohoch paayi thi.

Iss movie me six alag alag bhootiya kahaniya/stories dikhayi gayi thi, jo kisi bhi normal inshaan ke rongte khade kar sakti hai.

Darna Mana Hai movie hume bachpan ki yaaden taaza kiya tha jisme hum daravni kahani kiya karte the aur fir raat ko akele sone me dar lagta tha.

Movie me bhootiya kabrastaan dikhaya gaya tha aur yah bhi dikhaya gaya tha ki bhoot/ghost timepass karne ke liye logon ko lift diya karta tha aur fir unn logon ko daraya karta tha.

Darna Mana Hai Trailer


Number #5 Horror Movie is Raaz

Raaz is released in 2002. Yah movie ne logon me sachha dar mehsus karvaya tha. Yah movie one of the best horror movies me se ek hai. Movie ki kahani ek love story hai jisme ek horror ka tadka lagaya gaya hai.

Raaz film me ek ladka hai aur ek ladki hai aur unn ke beech me ek bhootni aajati hai. Iss film me Bipasa Basu ne bhoto hi achhi acting ki hai.

Movie me jis tarah se sound effects diya gaya tha aur jis tarah ki locations li gayi thi unko dekh ke strong heart wale logon ne bhi apne ghutne tek diye the.

Raaz Movie Trailer


Number #4 Scary Movie is 1920

Movie 1920 jo 2008 me release hui ek esi horror film thi jinke haters aapko dhoondhne se bhi nahi milenge. Jinko Horror movies jyada pasand hai unn logon ke liye yah bhoot wali movie ek surprise gift ke jaisi hai.

1920 ki kahani ek ese house ki kahani hai jo logon ki life lene me famous hai aur jo bhi engineers log yeh house ko todne aate hai, jinki zindagi swarg se nark me badal jaati hai.

Listen to Bollywood Songs Online on Gaana.

1920 Movie Trailer


Number #3 Horror Movie is Bhoot

Bhoot movie 2003 me release hui thi jo ek psychological thriller hai. Yah film aapko sochne pe majbur kar degi ki kya duniya me scha me bhoot hote hai kya.

Movie ki kahani kaafi disturbing hai jo ki aapke dimag ko puri tarah se nichod degi. Swati aur Vishal ek ese ghar me rehe jaate hai jisme ek ladki ne apni jaan leli hoti hai aur bhoot Swati ke upar kabza kar leta hai. Jiska pich chudana Vishal ke liye mushkil ho jata hai.

Film me Nana aur Rekha ne bhot hi achhi acting ki thi jise dekh kar logon ki aakhen khuli ki khuli reh gayi thi.

Bhoot Movie Scene


Number #2 Horror Movie is The House Next Door

The House Next Door movie 2017 me release hui thi jisme powerful bhootiya story ke saath saath kuch special effects bhi dekhne ko milte hai.

Movie ko khas banati hai ek innovative theme jo ek chinese story ke upar based hai. Movie ke title se aap ko pata chalta hai ki ek padosi ghar hai jisme ghost ka kabza ho jata hai.

Yeh film me jo tandav hota hai jo aap ke sukh, chain aur nind aapke jivan se gaayab kardenge. Iss film ko dekhne ke baad Indian Bollywood cinema ke liye respect aur bhi badh jaayegi.

The House Next Door Trailer


Number #1 Bhoot Wali Film is 13 B

13 B Movie 2009 me release hui thi yah movie mere number 1 list me hai top pe kyu ki yah film ka concept khas hai jo isse pehle aapne Indian film me kabhi nahi dekha hoga.

Manohar ek TV show dekhta rehta hai jisme uss ko apne family ka future uss ko dikhaya jaata hai. Lkin jab tak uss ko sab samaj aata hai tab tak uski life nark ban jata hai.

Iss movie me 13 number ko unlucky hone ki baat aap ko samjayi jati hai aur aapko daraya jata hai. Yah film me scary background music se le kar scary dialogues bhi ese hai jo ki aap ko daraa kar rakh denge.

13 B Movie Trailer


Conclusion

Doston mene aap ke saath 10 Daraavne bhoot wali film ke list de diya hai jisne muje to kaafi daraya hai. Agar aap bhi yeh sab movies raat ke 12 baje ke baad dekhenge to aap ke ghar me aap ko dar lagne lagega.

Comment karke aap apne scary movies ka list batao jisne aapko bohot daraya hai.


Read Also: Darbar Movie (2020)