Chhapaak Trailer REVIEW | Movie Releasing in 2020

Chaliye kuch jaante hai Chhapaak Trailer Review and Movie ke baare me.

What is Love and Hate?

Pyar, ishq aur mohabbat yeh sab bade kamaal ke words hai. Yee ek esi feeling hai jo inshaan ke dimag ko ast vyast kardeti hai.

Pyaar ko pura karne ke liye aksar 2 logon ki jarurat padti hai. Jawab ‘Haan’ me mil jaaye to inshani roop me bhagwan/god ke darshan ho jate hai. Aur bina panko ke aap aasman me udne lagte hai.

Jab pyaar me ‘naa’ me javab aata hai to aap bolenge ki zindagi chalte rehne ka naam hai. Aage badhte rahiye aur naye partner ki talash karte rahiye.

Afsos hum esi society me rehte hai jaha ek na ki vajah se lognafrat ke shikar ban jate hai. Nafrat ek esa emotion hai jo kisi bhi inshaan ko janwar bana sakta hai.

Ashamed feeling aati hai, kuch log itne andar se khokhle hote hai jo pyar aur nafrat ki aad me logo ji life pure tarike se barbad kar dete hai. Aurr maut se bhi battar bana ke chor dete hai.

I am talking about acid attack, jisko use karke darinde log jo nakli pyar aur nafrat ka nakab pehne hue hute hai aur apne andar ke saitan ko jagate hai fir ladki ki life barbaad kar dete hai.


Chhapaak Trailer Review in Hindi

Bollywood me agar ek actress ki baat kare jo dusre actors ke saath kandhe se kandha mila kar takkar deti hai vo Deepika Padukon hai. Aur agar aap director ki baat kare jo real life ke incident to movie me utarne ki baat kare to Meghna Gulzar hi hai jo esa kar sakti hai.

Abb yeh dona ek saath ane wali hai ek special film ke liye jo humari society me chupe hue kuch ese logon ko expose karne ka kaam karegi, jo bahar se hubahu inshann ki tarah hai but andar se bilkul rakshash se kam nahi hai.


Movie Story Background

Chhapaak movie ki kahani ek Lakshmi Agrawal naam ki ladki ke upar hai jo acid attack survivor hai. Jinho ne 15 year ki age me acid attack face kiya tha vo bhi ek ‘Naa’ bolne ki vajah se.

Vahi jootha pyar jo kisi ek inshaan ko, jo dusre ki jaan lene ka haq deta hai. Uski hansti khelti zindagi nark me badal gayi thi, jisse sahi salamat vapas bahar aana lagbhag asambhav tha.

Lakshmi ki himmat aur zindagi jeene ke jasbe ne naa sirf unko har ke jeetna sikha diya, balki unko duniya ke saamne ek misaal bhi bana diya. Film me Lakshmi ke partner ek “Stop Sale Acid” naam ka campeign chalate hai, jo puri duniya me acid attack face karne walon ki awaz bankar unko insaaf dilane ka kaam karti hai.


What You Conclude After Watching Chhapaak Trailer?

Agar hum Chhapaak Trailer Review kare to, trailer ko dekh kar aap andaza laga sakte hai ki Chhapaak ek mamuli flim nahi hai. Iss film me kahani nahi balke ek zindagi dikhane ki kosis ki jaayegi.

Jo hazaron challanges ko face karne ke bavjood fir se khade hone ki takat rakhti hai. Aur sabhi sawalon ke jawab dhoondhne ki himmat karti hai.

Kuch ese kaufnaak scenes bhi daale gaye hai jise dekh kar aap ke hos uda sakte hai aur aap ko andar se tod sakte hai. Chhapaak ek haunting experience honewala hai jo apko sochne pe majboor kardega ki duniya me insaniyat aakhir kitna niche gir sakti hai.

Trailer ki sabse badhi strength hai unme daale gaye emotions jo saaf ishara karte hai ki ye movie sirf entertainment tak nahi limit hone wali hai. Yee baaki Bollywood movies se kaafi jyada realistic aur disturbing hone wali hai.

Ek powerful social message deneki bhi kosis ki jayegi, jo choti soch wale dimag ke logo ke parde hatane ka kaam karegi, jo inshaan ko inke looks par judge karte hai. Sharm aani chahiye un logon ko jo logon ko nicha dikha kar khud ko mahan samajte hai.


What Message The does Film give?

Film ka message kaafi clear hone wala hai, koibhi musibat utni badi hoti hai jitna hum use banate hai. Jab aap poori takat ke saath khud ko zindagi se upar uthane ki kosis karte hai to puri duniya ek saath milkar bhi aapko nicha nahi gira sakti.

Read Also: 10 Best Bhoot Wali Movies Updated List for the Year 2020


Conclusion

Personally me film ke makers ki tarif karna chahunga jinhone ek important issue ko finally logon ke saamne laane ki himmat dikhayi hai. Varna aksar paisa kamane ke chakkar me humara cinema apne raaste se bhatak jaat hai. Aurr logon ko aayna dikhane se chuk jata hai.

Aaap 10 January ka intazaar kariya jab yah film release hogi, kyoki ye movie aapki zindagi puri tarah se badalne wali hai. Aur aapko ek bhtar inshaan banne ka mauka dene wali hai.

Lekin film ke liye sabse bada challange hone wala hai Ajay Devgan ki film Tanhaji bhi same date par release hone wali hai. Dekhna kaafi interesting hog ki History aur presence ki laday me jeet kiski hoti hai.

App comment karke zaroor batana ki aap kis film ko dekhne ke liye jyada exited hai. Meri baat maniye to dono ko hi dekh daliye taaki baad me pachtane ki nobat na aaye.


Movie Trailer