Tanhaji: The Unsung Warrior Review in Hindi

Tanhaji: The Unsung Warrior Review | ★★★☆☆

Chhatrapati Shivaji Maharaj ki kahani to ham sabhi ne bachpan se hi suni hai.

Lekin unke saath svaraj ki jang me shaamil hone wale unake dosto aur rishtedaro ko shaayad hi koi janta hoga.

Shivaji ke aise hi ek dost the Tanaji Malusare. Tanaji ko Shivaji ka daahina haath maana jaata tha aur unhone badi-badi ladaiyaan ladi thi.

The film Tanaji: The Unsung Warrior, vir yoddha Tanaji ki kahani hai, jinhone svaraj ke sapane ko poora karane ke lie apani poori taakat laga di.


Kahani: Tanhaji Ki

Ye kahani 4 February 1670 mein hue Sinhagad, jise tab Konadhana ke naam se jaana jaata tha, ke yuddh ke baare mein hai.

Isss yuddh mein Tanaji (Ajay Devgan) aur Maratha yoddhaon ne Chhatrapati Shivaji Maharaj (Sharad Kelkar) ke lie Aurangzeb (Luke Kenny) aur usake khaas aadami Udaybhan Rathore (Saif Ali Khan) ke khilaf ladai ladi thi.

Aurangzeb poore Hindustan par kabja karana chaahata hai aur Shivaji ke khaas Tanhaji use rokane ke lie apani jaan daanv par laga chuke hain.

Kya hoga Udaybhan aur Tanhaji ki ladai ka anjaam? yahi aap film mein dekhenge.


Performance Analysis

Tanhaji ke kiradaar mein Ajay Devagan ne achchha kaam kiya hai.

Ek shaatir aur nishthaavaan yoddha jo apane desh aur Shivaji Maharaj ke lie kuchh bhi kar sakata hai.

Isss role ko Ajay Devagan ne badhiya nibhaaya hai, lekin kahin na kahin aapako unhen dekhakar Baajirav Singham ki yaad bhi aaegi.

Film mein kaajol ne saavitri bai ka kiradaar nibhaaya hai, jo Tanhaji ki patni hain.

Kajol aur Ajay Devagan ki jodi hamesha ki tarah khoobasoorat hai.

Kajol jis bhi sin mein aati hain use apana bana leti hain.

vahin Saif Ali Khan apani damadaar performance se Ajay ko jabaradast takkar de rahe hain.

Saif ke saamane aapaka dhyaan kisi aur actor par jaega hi nahin.

Udaybhan Rathore ke behad khoonkhaar kiradaar mein Saif ne is kadar jaan bhari hai ki aap unhen aane vaale samay mein yaad karenge.

Saif ka beraham andaaj aur unki bhookhi aankhen unhen baaki actors par bhaari banaati hain.

Ajay aur Saif ki takkar bhi dekhane laayak hai.

Lekin isame bhi Saif bhaari padate saaf dekhe ja sakate hain.

Unaki dialogue delivery se lekar sanak tak sabakuchh taarif ke kaabil hai.

Saif Ali Khan, Kaajol aur Ajay Devagan ke alaava film mein Sharad Kelakar ne Shivaji, Luke Kenny ne Aurangzeb, Padmavati Rao ne Jija Bai, Devdatta Nagi ne Suryaji Malusare, Neha Sharma ne Kamal ne apane kiradaaron ko bakhoobi nibhaaya hai.

Inake alawa anya supporting cast ne bhi apana kaam bahut achchhe se kiya hai aur is film ko behatar banaane mein yogadaan diya hai.


Direction Analysis

Tanaji: The Unsung Warrior ko director Om Raut ne banaaya hai.

Unaka kaam achchha hai, direction aur editing bhi achchhi hai.

Haalanki, film ki raftaar aapako first half mein kaafi slow lagegi.

Actors ki baaton mein utana dam nahin lagata, jitani gambhir vo baaten kar rahe hain.

Film mein jaanavaron ka jyaada istemaal nahin kiya gaya, jisaki vajah se VFX ki madad li gai hai.

Characters ko ghud savaari karate aur ladai karate hue dikhaane ke lie VFX ka istemaal kiya gaya hai, jo atapata lagata hai lekin itana bura bhi nahin.


Action Review

Film ki sabase badi taakat hai isake action sequence.

Jung ke maidaan mein utare maraatha aur mugalon ki jang dekhane laayak hai.

Action sequence ki choreography behad damadaar hai aur yahi chij film ke second half ko dilachasp banaati hai.

Film ka second half aapako apani seat se jode rakhata hai aur parde par chal rahi jang aapake man mein ghar kar leti hai.

Isake alaava film ki cinematography aur editing achchhi hai.

Film ke sets ki bhavyata aur visuals aapako achchhe lagenge.

Saath hi film ka music aur background skor bahut badhiya hai, jo film mein jaan daalata hai.

To agar aap weekend par free hain to Ajay Devgan aur Saif Ali Khan ki ye film dekhane ja sakate hain.


Read Also: 10 Best Bhoot Wali Films


Tanhaji Movie REVIEW Video

Tanhaji Movie Review In Hindi. Tanhaji Movie Public Review By Deeksha Sharma. Tanhaji Movie Story Explained In Hindi. Tanhaji Movie Full Details Discussion In Hindi.

In this video I will be sharing my honest review of movie

TANHAJI -THE UNSUNG WARRIOR,

The Best Movie We have ever witnessed or Major show off without any strong content?

Find all your answers in this video.

Tanhaji: The Unsung Warrior | Ajay D, Saif Ali K, Kajol | Om Raut | 10 Jan 2020

TANHAJI -THE UNSUNG WARRIOR in 3D, Directed by Om Raut, will release on 10th January 2020.

Tanhaji- The Unsung Warrior is an Indian biographical period drama film based on the life of legendary Tanaji Malusare, starring Ajay Devgn, Saif Ali Khan, Kajol in the lead roles.

4th Feb 1670: The surgical strike that shook the Mughal Empire!!

Witness history like never before

Directed By: Om Raut

Produced By: Ajay Devgn

Produced By: Bhushan Kumar, Krishan Kumar