What Is Surrogacy That Made Shilpa Shetty Mother?

Bollywood actress Shilpa Shetty surrogacy se maa ban gayi hain.

Bollywood ke kayi couple isse pehle bhi surrogacy se parents ban chuke hain.

Is list mein Shahrukh Khan, Aamir Khan, Karan Johar, Ekta Kapoor, Tusshar Kapoor jaise kayi star shamil hain.

Aaie jaante hain ki aakhir surrogacy kya hoti hai?


What is Surrogacy?

Surrogacy mein koi bhi married couple bachha paida karne ke liye kisi mahila ki kokh kiraye par le sakta hai.

Surrogacy se bachha paida karne ke piche kai vajahen hain. jJise ki agar couple ke apne bachhe nahi ho pa rahe hon, mahila ki jaan ko khatara hai, ya fir koi mahila khud bachha paida na karna chaah rahee ho.

Jo aurat apani kokh mein doosre ka bachha paalati hai, vo surrogate mother kahalaati hai.

Surrogacy mein ek mahila aur bachhe ki chaah rakhane vaale couple ke beech ek agreement kiya jaata hai.

Iske tahat is pregnancy se paida hone vale bachhe ke legal parents vo coupal hi hote hain, jinhone Surrogacy karayi hai.

Surrogate mother ko pregnancy ke dauran apna dhyan rakhne aur medical jarurato ke liye paise diye jaate hai taaki vo pregnancy ke dauran apna khyaal rakh sake.

Surrogacy bhi do tarah ki hoti hai.

1. Traditional surrogacy

Iss surrogacy mein hone vale pita ka sperm surrogacy apnaane vali mahila ke eggs se match karaya jata hai.

Iss surrogacy mein genetic sambandh sirf pita se hota hai.

2. Gestational surrogacy

Iss surrogacy mein hone vale mata-pita ke sperm aur eggs ka mel test tube ke jariye karane ke baad ise surrogate mother ke uterus mein transplant kar diya jata hai.


Surrogacy ke durupyog ko dekhte hue ab Bharat mein ise lekar tamam niyam tay kar diye gaye hain.

Jyadatar gareeb women aarthik dikkato ke chalte surrogate mother banati thi.

Sarakaar ki taraf se is tarah kee commercial surrogacy par lagam di gayi hai.

Surrogacy Regulation Bill 2019 mein kayi naye niyam kanoon banaye gaye hain. Isame Commercial surrogacy par pratibandh laga diya gaya hai.

Ab sirf madad karane ke liye hi surrogacy ka option khula rah gaya hai.